Ođđa digitála materiálat
E-girji.netii leat ráhkaduvvon ođđa digimateriálat dahkujierpmi vehkiin. Bargobihtáid ráhkadeapmái geavahuvvo digimateriálavuođđu. Das leat 13 earálágan bargovuođu. Digimateriálavuođus leat anus buot sámegielaid fonttat, mat bohtet šearpma ala, juos lea dárbu čállit. Digimateriálavuođuin dahkkon bargobihtát leat heivehuvvon maid telefovnnaide.
Bárrastávval nomeniid sojahus Bargobihtát
Digimateriálavuođđu árvvoštallá juohke bargobihtá ja addá čuoggáid. Digimateriálavuođu dahká bargobihtáin čoahkkáigeasu ja pdf-raportta. Pdf-raporta vurkejuvvo iežas telefovdnii dahje dihtorii. Oahppi sáhttá juohkit pdf-raportta omd. oahpaheaddjái ja vánhemiidda. Oahpaheaddji sáhttá sáddet oahppái liŋkka bargobihtáide. Oahppi ja oahpaheaddji sáhttiba čuovvut, mo oahppan lea ovdánan.