Pedagogalaš rávvagat
Oahppanbiras e-girji.net sisttisdoallá digitála materiálaid ovdaskuvlla dásis gitta universitehta dássái. Materiálat bohtet oppa áigge lasi. Ulbmill lea, ahte moatte jagi geažes e-girji.netis leat mobiilamateriálat davvisámegiela buot fáttáin ja surggiin.

Digitála materiálain leat valjis oahpahusteavsttat, sojahanminstarat, ovdamearkkat ja bargobihtát, danin materiálat heivejitge bures geavahuvvot olles oahpahusjoavkkuin dataprojektora dahje -távvala vehkiin.

Bargguid barggadettiin oahppi sáhttá oažžut veahki oahpahustávvaliin ja sojahanminstariin. Oahppi oažžu oaidnit álo rivttes čovdosa, juos ieš ii máhte čoavdit barggu. Oahppi boasttočoavddus báhcá oidnosii nu, ahte oahppi sáhttá guorahallat, gokko son meaddádii.

Teakstabargguin amas sánit leat čilgejuvvon dahje jorgaluvvon suoma- ja dárogillii.

Teknihkalaš vuođuid birra

Muitinspeallu
Muitinspealuid koarttaide leat čadnon jienat ja sánit. Go jorgala koartta, ihtá sátni ja čuodjá jietna. Ovdalgo jorgala ođđa koartta, galgá diktit ovddit koartta sáni jávkat. Dáinna lágiin speallu doaibmá bures, ja oahppi geargá lohkat sániid. Go buot párat leat gávdnon, govat báhcet oidnosii nu, ahte daid sáhttá velá guorahallat ovttas olles oahpahusjoavkkuin dahje oahppi ieš okto.


Bihttáspeallu
Bihttáspealus leat golbma váttisvuohtadási. Ovdalgo válljet váttisvuohtadási, guorahala gova ja dasa čállon teavsttaid. Bihttáspealu govvii sáhttá leat čadnon jietna ja teaksta. Juos orru, ahte speallu ii doaimma albma láhkai, gurre bláđenprográmma (Mozilla, Chrome) gaskamuittu siiddu badjeravdda goavrenjuolain.


Sámi bustávat
Sámi bustávaid sáhttá deaddit njuolga šearpmas. Dát lea erenoamáš buorre mobillarusttegiin unna oahppiide oaivvilduvvon materiálain, dasgo sámi bustávaid lea álki deaddit šearpmas. Šearpmas sáhttet leat dušše moadde bustáva. Bustávaide leat čadnon jienat lohkanbargguin.