Demot
Demoiguin sáhttá oahpásmuvvat mobiilabargguide ja -sisdoaluide. Olles barggut ja sisdoalut leat ollu viidásabbot.

Muitinspealut
Muitinspealuiguin oahpahuvvojit árgabeaivve frásat ja ságastallamat suohttasis vugiin. Muitinspealu bajábealde lea gažaldat ja vástádus, maid sáhttá maid guldalit, omd. Man ivdnái biila lea? Vástádussan lea Biila lea ... Oahppi álgá dasto ohcat ivdnebáraid (ruoksat, alit, fiskat jna.) Dáinna spealuin oahppi oahppá ivnniid lassin maid, mo ivnniid birra ságastallojuvvo. Muitinspealuid fáddán leat ivnnit, diibmu, postposišuvnnat, bustávat ja nummirat. Spealut ođđa fáttáid birra bohtet oppa áigge lasi. Spealut leat oaivvilduvvon ovdaskuvlii, álgooahpahussii sihke oahppiide, guđet lohket sámegiela vieris giellan. Spealuiguin lea ulbmil ovddidit oahppi oahppat árgabeaivve giellageavaheames dehálaš frásaid ja gažaldagaid.
Muitinspeallu ivnniid birra

Bihttáspealut
Bihttáspealuiguin sáhttá oahpahallat bustávaid suohttasis vugiin. Juohke oasis leat guhtta bustáva. Vuos galgá čohkket gova, dasto oažžu guldalit guđege bustávain álgi sániid. Bihttáspealu váttisvuođa sáhttá válljet.
Bihttáspeallu bustávain

Áppes 1
Dát barggut gieđahallet konsonánttaid l, m, n, ŋ, r, s, š ja vokálaid a, á, e, i, o ja u.
Áppes 1

Sáni čohkken 1
Dáin bargguin galgá ordnet bustávaid rivttes ortnegii. Oainnát sáni vástideaddji gova, sátni maiddái jietnaduvvo.
Sáni čohkken 1

Riektačállin 1
Dáin bargguin hárjehallojit čuovvovaš áššit:
- h-bustáva čállin
- bustávaid c, č, š, z ja ž čállin
- vokálaid ja diftoŋggaid čállin

Riektačállin 1


Riektačállin 2
Dáin bargguin galgá čállit váilu sáni cealkagii. Teavsttat gieđahallet lottiid.
Riektačállin 2
Sátneluohkát
Sátneluohkáid oahppama lassin oahpásmuvat maid 24 sámi cizážii. Cizážiid namahusat leat maid dáro- ja suomagillii.
Sátneluohkát

Cealkkaoahppa
Sátneluohkáid oahppama lassin oahpásmuvat maid 60 sámi šaddui. Šattuid namahusat leat maid suoma-, dáro- ja ruoŧagillii.
Cealkkaoahppa

Lásse, Áilu ja mun
Lásse, Áilu ja mun-bargguide gullet máŋggalágan teakstabarggut, main galgá ovdamearkka dihte válljet tekstii heivvolaš badječállosa, gávdnat sániide synonymaid sihke dievasmahttit cealkagiidda heivvolaš sániid.

Amas sánit leat čilgejuvvon sámegillii dahje jorgaluvvon suomagillii ja dárogillii. Amas sániide addojuvvojit maid synonymat. Ulbmil lea viiddidit ja riggudahttit oahppiid sátneráju ja giela.

Lásse, Áilu ja mun